Na portada: Endesa.

Oito contos coa característica de que todos se desenvolven a partir dos anuncios por palabras dos xornais. "Unha chave non é suficiente" abre o libro e nel cóntase a aventura dun home que ve o ceo aberto cando atopa un anuncio indicando que "se duplica calquera chave, con ou sen mostra" . "O caso do unicornio azul" conta a historia dunha unicornia que acode a unha axencia matrimonial, para atopar parella axeitada. "Vanesa e o anuncio da televisión" conta a historia dunha nai empeñada en que a súa filla sexa unha artista da televisión.... "O libro das infinitas historias" cerra o volumen e relata a incesante procura dunha libreira, dona dunha casa de compra-venda, que vai tras dun libro de máxicas propiedades.